ఇప్పుడు చెప్పబోయే విషయము అందరికి తెలిసినదే
అయినా దీనిలో మార్కెట్ స్టాటజీ దాగి ఉంది .
మనం మార్కెట్లో పెట్టుబడి పెట్టే ముందు చాలా
జాగ్రత్తగా ఆలోచించి నిర్ణయం తీసుకోవలసిన
అవసరం ఉంది .
ఉదా ; ఒక రైతుని ఆదర్శం గా తీసుకోవాలి .
వాణిజ్య పంటలు మినహాయించి మిగతా వాటి గురించి
తెలుసు కొందాం .
రైతు పండించే పంటలలో 1 . తాత్కాలిక దృక్పధం తో
పండించే పంటలు ,
2 . దీర్ఘకాలిక దృక్పధం తో పండించే పంటలు కూడా
ఉంటాయి .
1 . తాత్కాలిక దృక్పధం తో పండించే పంటలు వరి ,
వేరుశనగ , పప్పు దినుసులు, మిరప , పత్తి పంటలు మొదలగునవి .
దీనికి తెగుళ్ళు ఎక్కువ , తుఫానులు , వరదలు
సంభవించినా , లేక నీటి ఎద్దడి ఏర్పడినా పండిన పంట చేతికి రాదు. పెట్టిన
పెట్టుబడి కూడా నష్టపోవడం కూడా జరుగుతుంది .
2 . దీర్ఘకాల దృక్పధం తో పండించే పంటలు టేకు తోట
, జీడి , మామిడి మొదలగుగా గల పంటలు . వీటిలో నష్టపోవడం అనేది చాలా తక్కువ
సందర్భాలలో జరుగుతుంది . అంతేకాక వీటి వలన వచ్చే ఫలితము చాలా ఎక్కువగా ఉంటుంది .
మొదట వ్యవసాయము చెయ్యాలని అనుకొన్నప్పుడు తను
వెయ్యలను కొనే పంటకు అనుకూలమైన వాతావరణము వచ్చే వరకు వేచి ఉంటాడు . వ్యవసాయము చేసేటప్పుడు
రైతు భూమిని దున్ని సాగుచేసి విత్తనాలు వేయుటకు అనువుగా భూమిని తయారు చేస్తాడు .
రైతు నమ్మకముతో వ్యవసాయం చేస్తాడు తను పెట్టిన పెట్టుబడికి , పడిన కష్టానికి తగిన
ప్రతిఫలం దొరుకుతుందనే ఆశతో వ్యవసాయం చేస్తాడు . అయినా గానీ అన్ని సందర్భాలలో
లాభాన్ని పొందలేడు . ప్రకృతి వైపరీత్యాలు ఎదురైనప్పుడు , అనుకోని కొన్ని సందర్భాలు
ఎదురైనప్పుడు మాత్రమే నష్టాలను ఎదుర్కొంటాడు . మిగతా సమయాలలో తను పెట్టిన
పెట్టుబడికి తగిన ప్రతి ఫలాన్ని పొందడం జరుగుతుంది .
అలాగే మార్కెట్ లో పెట్టుబడి పెట్టేవారు కూడా మొదట ఏ ఏ రంగాలలో పెట్టుబడి పెట్టాలని అనుకొంటారో
ఆ రంగ మునకు సంబంధించి ( అనాలసిస్ )మార్కెట్ పరిస్థితి ఎలా ఉంది . మనం ఎంచు కొన్న
రంగమునకు భవిష్యత్తు ఆశాజనకంగా ఉందా ? రాబోయే రోజులలో ఈ రంగమునకు సంబంధించి
డిమాండ్ ఎలా ఉంటుంది .అనే అంశాలపై స్టడీ చెయ్యాలి . ఇలా స్టడీ చేసిన తరువాత ఈ
రంగమునకు సంబంధించిన కంపెనీలు ఎన్ని ? ఏ ఏ కంపెనీలు ఈ రంగములో మంచి ఫలితములు
అందిస్తున్నాయి గత పది సంవత్సరములో ఆ కంపెనీల పెర్పార్మేన్స్ ఎలా ఉంది . ఈ
కంపెనీలో మనం పెట్టుబడి పెడితే తగిన ప్రతి ఫలం వస్తుందా అని ఒకటికి పదిసార్లు
ఆలోచించి నిర్ణయం చేసుకోవాలి.
రెండవ విషయము .
మనం పెట్టే పెట్టుబడి ఎంతకాలం మార్కెట్ లో
ఉంచగలము . ప్రస్తుతానికి మనకున్న అవసరాలేమిటి . ఎంత కాలం మార్కెట్ లో
కొనసాగించగలము అనే విషయములు కూడా బేరీజు వేసుకొని పెట్టుబడిని పెట్టడం మంచిదని నా
అభిప్రాయము .
రైతు వలే ప్రణాలికా బద్దంగా వ్యవహరిస్తే
మార్కెట్లో వచ్చే వడ్డీ కన్నా ఎక్కువ లాభాన్ని అందుకోవచ్చు .
ఈ స్టాటజీ లో నష్ట భయం చాలా తక్కువగా ఉంటుంది .
కామెంట్లు లేవు:
కామెంట్ను పోస్ట్ చేయండి